شیعر

حامید به‌هرامی - مه‌ریوان

لە کاتێکا

چپەی گوڵ و

تاساندنی ناڵەو هاواری بوڵبوڵ و

برین‌دارو

رشتن بەرو

قوڵپە قوڵپ و راکشانی

بە ئەسپایی و خرۆشاوی

چاوگەو چەم و

رژاندنی خوێنی کەڵ و

قەفەس کەو

باڵ بەست هەڵو و

شەهید بوون خۆر

لەسەر باڵی

مەلی هەستدا

لەئاسمانی

زەوقی شاعیر

سمای کردو

لەنێو خوێنیا

مەلەی کردو

لەنێو دڵیۆ

تێ پەڕی کرد

لەو کاتەدا

لەنێو تاڤگەی پێنوسیەوە

دەڕژێتە خوار

لەپێ دەشتی تاڤگەکەدا

گوڵی هەست و

بوڵبوڵی شیعر

لەروناکی هەورە تریشقەی بەیاندا

وەکوو قاچک

هەڵ دەتۆقێ و

چاودەبڕێتە

ئاسمانێکی پڕلە هەتاو.

کانی دینار – رێبه‌ندانی 1374  ،  15ی رەمەزانی 1416